Темірхан Медетбек

Опасыз жанға

Бұл бетте «Опасыз жанға» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

24.06.2022
0
0
859

Мен сенi өзгелерден
Тосын дейтiн едiм.
Асыл дейтiн едiм.
Сөйтсем,
Түк те емес екенсiң ғой;
Не үтiр,
Не нүкте емес екенсiң ғой.
Қабатын
Ит те емес екенсiң;
Қаныма қанатын
Бит те емес екенсiң.
Бiзге кекiрейгенмен
Өзгелерге үнiң шықпайтын
Ынжық екенсiң ғой;
Қоқысқа
Кететiн
Жүн-жұрқа мен
Қылшық екенсiң ғой.
Бiр кезде саған сенгенiмiзге
Сенгiм келмейдi.
Тәйт, пәлекет! –
Бетiңдi көргiм келмейдi.
Бетiңе қарасам
Өзiмдi жерге
Тiрiдей көметiндеймiн, –
Өйткенi бетiңдi емес
Кәрi сиырдың
Сатал-сатал
Сарпайын көретiндеймiн.

Темірхан Медетбек опасыз жанға Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар