Өлең, жыр, ақындар

Жауабын сізге қалдырдым

  • 26.06.2022
  • 0
  • 0
  • 680
Бәріміз білеміз:
“Шеше көрген тон пішеді.
Әке көрген оқ жонады”,
Көсілген көсемді,
Шешілген шешенді
Көрген балаңыз
Ертең- ақ топ жарады.
Жердің сырын,
Елдің мұңын ұғатын
Зерек балаңыз
Өзгеден
Артып тумас па?!
Желмен жарысқан
Құлыншақтармен
Ойнап өскен ұланың
Ертең- ақ
Қазанаттардай
Қара жеріңізді
Айырардай болып
Тарпып тұрмас па?!
Ал бірақ
Жаттан келгендей боп
Өз елінен
Іргесін аулақ салатын
Безбүйрек үйге
Кім кіріп,
Кім қонбақ?!
Әкесі доңыз бағып,
Есіл- дерті жеу болған
Торайлармен
Ойнап өскен балаңыз
Өскенде кім болмақ?
Жауабын сізге қалдырдым.


Пікірлер (0)

Пікір қалдырыңыз

Мен атылған күн

  • 0
  • 0

Менi сөзбен атып кеттi бiр адам.
Ұшып түстiм.
Ендi қалай тұра алам.
Қадалған кеп оқ сияқты сол сөзден

Толық

Не амал бар?

  • 0
  • 0

Бұл дүниедегi Темірхан Медетбек
Қомағайлық пен
Тойымсыздықтан қашып
Безiп кеттiм;

Толық

Ұлықбек Есдәулет

  • 0
  • 0

Ұлықбек!
Өлеңдегi серiгiмсiң!
Қып-қызыл
Сөздердiң шоғын үрлеп

Толық