Тайыр Жароков

Өздеріңнің көздеріңнен

Бұл бетте «Өздеріңнің көздеріңнен» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

10.07.2022
0
0
592

Баламын әлі ерке мен елімде,
Келді деп кім айтады мені елуге?
Балдырған балалар-ау, ортаңызда
Мен тұрмын өздеріңмен теңелуге!
Қызығам пионерлер ойыныңа,
Құйғандай жастық лебін қойыныма
Құрметтеп, шоқтай жанған, қызыл шаршы
Тақтыңдар галстукты мойыныма.
Біргемін өрендерім, өздеріңмен,
Аулақпын қартаюдан, өзгеруден,
Өзімнің бір кездегі жастығымды
Көремін өздеріңнің көздеріңнен.
Қашанда мен сендерге сүйенермін,
Қартаймас жастық шаққа сүйінермін,
Мені, — әлі «егде тартты» демеңіздер,
Шар тартқан жоқпын өзім пионермін,
Қызығы жастық шақтың таныс тіпті,
Жүректен тартам елге бар ыстықты!
Жыр сайрап ортаңызда жасай берем,
Мойныма тағып қызыл галстукты!

1958

Тайыр Жароков өздеріңнің көздеріңнен Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар