Өлең, жыр, ақындар

Мен Октябрь ұлымын

  • 11.07.2022
  • 0
  • 0
  • 500
Қараңғы ащы тұрмыстан,
Қиындық көріп ығысқан,
Құл боп, күң боп жалынып,
Бай табына туыстан.
Тұрғанда қор боп, Октябрь
Таңы атқан шығыстан.
Мен Октябрь ұлымын.
Борсық қысып жанымды,
Сүліктей сорып қанымды,
Тек мен емес езді ғой,
Еңбекші, жалшы табымды,
Табыммен мені теңелткен
Октябрь атқан таңымды,
Мен Октябрь ұлымын.
Екпінді еңбек дуым бар,
Жер жаңғыртқан шуым бар,
Атқан оққа құламас,
Қырмызы қызыл туым бар,
Күлкім күндей, бұрқансам
— Тас балқытар буым бар.
Мен Октябрь ұлымын.
Нашарды бұрын көретін
Қолым ұшын беретін;
Коммунизм ұрығын
Еңбекші елге себетін,
Кедейшіл коминтерннің
Туы астында жүретін,
Мен Октябрь ұлымын.

1928



Пікірлер (0)

Пікір қалдырыңыз

Шіркеулер

  • 0
  • 0

Кәне кезгі Киевтің
Түссе көзге шіркеуі
Күмбездері биік тым
Сан шежіре шертеді...

Толық

Орылмаған алқап

  • 0
  • 0

Құстар қайтты, тұрды кешеу қоңыр күз,
Жап-жалаңаш орман-тоғай, құла дүз.
Жасыл егін орылмаған бір алқап...
Көңіліңе ой салады жабырқап.

Толық

Ф. Г. ға жауап

  • 0
  • 0

Жоқ, ол черкес қызы емес,
Грузия қырынан
Ондай қыз туған емесеш;
Мұңды Казбек шыңынан.

Толық

Қарап көріңіз

Басқа да жазбалар