Өлең, жыр, ақындар

Бұлбұл құс

  • 11.07.2022
  • 0
  • 0
  • 726
Қаршадай-ақ жас
Құрыштың қолымда
Кітап ашық, қағаз-қалам оңында.
Жоқ ед тіпті қараша үйдің базары,
Қодарқұлдың Құрыштайы жоғында;
Құрыш туды, оннан асты ой кірді,
Кітап оқып, хат таныған оңында.
Кітап түспейді, балдырғанның қолынан,
Қодар өзі қара жұмыс соңында,
— Қорыс қылып, жердің жонын жосылтып,
Түркістанның — Сібір темір жолында.
..Қолда кітап Құрыш отыр бақшада,
Төсін сүйеді, көк жасыл гүл жатса да.
Бұлбұл сайрап, гүлдер жайнап, қызғалдақ
Басын жарып, зеңгір шешек атса да;
Жанын жайқып көкейіне күй құйып,
Сынаптай су сылдыр-сылдыр ақса да,
Құрыштайдың көк жібек шөп қытықтап,
Алаңдамайды... мойнын сүйіп жатса да...
Сары алтынды кеш сырына мас болып,
Оқып отыр күн жиекке батса да...
Сенде білім, сенде құрыш еңбек күш.
Маужыраған нұрын құйып алтын кеш.
Бақшадағы сені сәулем құттықтап,
Әнін нәзік сорғалатты бұлбұл құс.
Кең ашылды саған білім есігі,
Секілдісің сен бұлбұл құс, жас құрыш...
Миллиондаған мұндай жалшы ұлдары,
Алды атқан таңнан ғана кең тыныс.
Мәдениет шолпаны боп шыңда ойнап,
Теңдік құсы, еңбекші ұлан көкке ұш!

1929



Пікірлер (0)

Пікір қалдырыңыз

Афин қызына

  • 0
  • 0

Соқты сағат айрылар,
Афин қызы, ғафу ет!
Бас досыңның жүрегін,
Мені, яки, жаныңа ерт.

Толық

Сүйгеніме

  • 0
  • 0

Көп жылдар сүйдім сені қара кезім,
Таңдаулы гүлді сыйлап бердің езің,
Дегенің:
«Алыс кетсең еске ала жүр!»

Толық

Па, шіркін!

  • 0
  • 0

Па, шіркін! Көрікті едің көктем қандай,
Аспаннан шықты күнің от жанғандай!
Түйілген тау қабағы кетті ашылып,
Ғашығын көкжиектен күткен жандай.

Толық

Қарап көріңіз