Жеңіс туы

Бұл бетте «Жеңіс туы» атты Тайыр Жароков жазған соғыс туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 12.07.2022
  • 0
  • 0
  • 1167
Нарттай қызыл жеңіс туы,—
Таудың отты жалыныңдай.
Жарқыраған жазғытұрғы,
Жер жаһанның жарығындай.
Таңның туың ер шалқытып,
Тіккен Берлин күмбезіне.
Ту күшіне тас та балқып,
Кеуде керген күн көзіне.
Сонда Отан отты көзін
Шыңнан шола қадап еді,
Көрді бақыт нұр жұлдызын,
Қайтқан екен ана кегі.
Есте соғыс біткен жылғы,
Май айының дәл тоғызы.
Жеңіс күні тіккен туды,
Тына қалған қан теңізі.
Сонда: ананың қуанғаннан,
Кеуіп, тамған көзінен жас,
Бала күліп қуанғаннан,
Бауыры балқып иіген жартас.
Сонда: жерде шешек жарған
Гүл атылып қауызынан,
Кемпір-шал мен жас қуанған,
Жар сүйіскен ауызынан.
Окоптардан шығып сонда
Алған демін солдаттар да.
Ызы - қи ойда-қырда,
Шапқан тойда саңлақтар да.
Жая мен жал, бал шарапқа
Әрбір үйдің дастарханы
Жайылып, шат шартарапқа
Көз жіберді достар тағы.
Сұңқылдатып көл аққуын,
Сонда жазым жайнағанда,
Алтын қанат жеңіс туын
Тіккен менің аймағыма.
Қуанышқа аспанынан
Соққандай бұлт алақанын,
Жауһар шашып тастарынан
Шаттанған шың Алатауым!

1948


Пікірлер (0)

Пікір қалдырыңыз

Жиі қойылатын сұрақтар

Жеңіс туы өлеңінің авторы кім?

Тайыр Жароков — осы өлеңнің авторы.

Жеңіс туы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жеңіс туы өлеңі не туралы?

Бұл шығарма соғыс туралы өлең ретінде танымал. Өлеңде автор өз ойын көркем түрде жеткізеді.

Жеңіс туы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері