Өлең, жыр, ақындар

Әр жан әр түрлі

  • 11.12.2015
  • 0
  • 0
  • 5242
Талай кәрі жорға жүр,
Ақаулы боп зорға жүр.
Іліне алмай жарысқа,
Кейбір жүйрік орда жүр.
Кейбір сұңқар тауда жүр,
Томағасы жауда жүр.
Дұшпандарды аңдыған,
Тұзақ құрып ауда жүр.
Кей тырналар көкте жүр,
Қиқу салып текке жүр.
Қара қарға қарқылдап,
Өлексені жеп те жүр.
Құрық сорып борсық жүр,
Түлкі мырза жортып жүр.
«Құдай аман сақта» деп,
Қой мен тауық қорқып жүр.
Тышқан аңдып мысық жүр,
Алдап көзін қызып жүр.
Ін таба лмай саршұнақ,
Сорлы сасып, пысып жүр.
Кей мырзалар серпіп жүр,
Қарны шығып шертіп жүр.
«Сен солайсың» дегенге,
Тырс-тырс етіп дертіп жүр.



Пікірлер (0)

Пікір қалдырыңыз

Жаз

  • 0
  • 4

Жаз келіп жайды құлаш халайыққа,
Өлшейік ғибрат көзбен қарайық та.
Жадырап жазылды жан қысылғаннан,
Дәулетке хақтың берген қанайық та

Толық

Досыма жазғаным

  • 0
  • 0

Хат жазамын шын көңіліммен досыма,
Жүрегіммен сағынамын қосыла.
Қол жазған соң, тіл айтқан соң аласыз,
Кетті жүрек еріп, жөңкіп жосыла.

Толық

Көркем қызға

  • 0
  • 0

Нұрлы жүз, көркем мінез қарындасқа,
Арнап сөл лайық емес жазылмасқа.
Қыз бала елдің көркі, жұрт зейнеті
Болғанда елтифатқа алынбас па?

Толық

Қарап көріңіз