Өлең, жыр, ақындар

Партия газеті

  • 12.07.2022
  • 0
  • 0
  • 472
Төрттен бірін жасап бүкіл ғасырдың
Тұғырыңда тұрсың толып мүшелін;
Большевиктік сөздің даңқын асырдың,
Сайрап тұрған бұлбұл тілді шешенім.
Тегеурінді қанат қаққан қырандай,
Жауды жайқап жарқ етті қияғың.
Сен саңқылдап партия үнін ұрандай
Шыққанында,— тұрған елім құлағын.
Құстай ұшып Ұлы Отанның даласын,
Қиқу салып жерің бар ма бармаған,
Оқығанда ашып ойдың арнасын
Жан аз шығар сені қолға алмаған.
Айна дайын сенің айқын жүзіңнен
Көрді елім күн келбетін өмірдің.
Меруерттей сөзің әрбір тізілген,
Нұр ойнатқан сарайына көңілдің.
Сен қолыңда — бақташының, малшының,
Сен қолында — білімпаздың, ақынның,
Сен — өмірдің көрсететін бар шынын,
Сөзің туған сәулесінен алтын күн.
Сен жеткіздің жырдай шырқап халыққа
Жада өмірде заңның алтын сәулесін,
Сөзден құйған ұсайсың бір алыпқа
Терең ойдың ту ғып ұстап бейнесін.
Соғыста да сөзді оқтай саулаттың,
Оттан қайтпай, қан майданмен тілдестің,
Окобында бірге жатып солдаттың,
Сұр шинельге бірге оранып сөйлестің.
Жау оғына жыртылмады броньдай
Төрт бұрышты төрт бетіңнің шаршысы,
Ер қолында жарқылдай бер құралдай,
Партияның жалынды сөз жаршысы.

1949



Пікірлер (0)

Пікір қалдырыңыз

Алтын қанат

  • 0
  • 0

Алтын қанат тағы жазым
Келді, ауасы кеуде керней,
Көрдім ұшқан үйрек, қазын
Туған елдің үстін ерлей.

Толық

Жаңбыр алдында

  • 0
  • 0

Көңілсіз жел қуалай,
Көктен бұлтты торлаған,
Сыңсып, сынған қарағай
Күбірлеген қара орман.

Толық

Киемін сұр шинельді

  • 0
  • 0

Маған мәлім, жолдас Марат!—
Сенің туған жылдарың,
Ерлігіңе болғандай шарт
Шырқалған жырларым.

Толық

Қарап көріңіз