Өлең, жыр, ақындар

Советстан — сегіз жасар арыстан

  • 21.07.2022
  • 0
  • 1
  • 5807
Советстан — сегіз жасар арыстан,
Сансыз жауын қалтыратқан алыстан,
Әлемді алған,
Шынжыр салған,
Ескі жалған,
Жеті басты жалмауызбен алысқан.
Советстан аждаһадай айбары,
Әділдік пен жауыздықтың майданы,
Жауыздықты
Ауыздықтап,
Езіп мықтап,
Борсылдатып, иткелмеске айдады!
Адамзатқа гулеп ұран тараттың,
Дүниені таңырқатып қараттың.
Оғын атқан,
Бұғып жатқан,
Тілмен шатқан,
Мырзаларға табаныңды жалаттың.
Жас арыстан, күшейесін айына,
Қылыш қайрап дүниенің байына,
Шешен мырза,
Көсем құлжа,
Енді ырза,
Сасық деген табанынның майына.
Талай қарын дірілдейді мал үшін.
Талай жауын доспын дейді жан үшін.
Біреуі «ұл» боп,
Бірі құл боп,
Советшіл боп,
«Сасық...» деген қолындағы нан үшін.
Талай мырза боқтап еді пасық деп,
«Доңыз Иван, тоқтат жынды басып» деп,
Тәубе деді,
Сауға деді,
Нан тіледі,
Арамыңнан май қолыннан «сасық!» деп.



Пікірлер (1)

Айару

Өте жақсы ақпарат болды маған

Пікір қалдырыңыз

Қарлы аязда

  • 0
  • 0

Жерді басқан аппақ қар...
Соғад аяз, ызғырып —
Қызыл шұнақ, жалмаңдап,
Билеп күлед сызғырып.

Толық

Ой серігім

  • 0
  • 0

Ойласам жарықтанды нұрын шашқан,
Шапағын қызыл күннің таудан асқан.
Мәңгілік патшалығын көркемдіктің
Ойласам гүлдің иісін кеудені ашқан.

Толық

Жай әншейін

  • 0
  • 0

Ұят-ау...
Кәне енді, біздің күлкі ойқастасын,
Бұлғаңдап оңды-солды бой тастасын.
Алдыңа көкпар әкеп тастағандай,

Толық

Қарап көріңіз