Өлең, жыр, ақындар

Біз — комсомол

  • 22.07.2022
  • 0
  • 0
  • 3610
(Комсомолдардың көпшілік өлең маршы)

Біз — комсомол — жас қайратты,
Пролетар табынан.
Біз шалғыншы ұшқыр атты,
Алдыңғы сабынан.
Қайырмасы:
Бас қыздырып даңғыл жолды,
Тура тұт маякты!
Оңды-солды, оңды-солды
Шіреп бас аяқты!
Ешбір жаудан сескенбейміз,
Күреске дайынбыз.
Көкте сұңқар, жерде тұлпар,
Мұхитта жайынбыз.
Қайырмасы.
Лениншіл жас ерді берік,
Октябрь туғызған.
Күрес үшін белді берік
Болатпен буғызған.
Қайырмасы.
Ленин жолы — жолың даңғыл,
Маякты түзу жол.
Үркіт жауды, досты таң қыл,
Лек-лек бас, комсомол!
Қайырмасы.
Компартия не бұйырса —
Істейміз тақ тұрып,
Жаудан елді күзетеміз
Әрқашан сақ тұрып.
Қайырмасы.
Сақпыз дауам қарауылда
Күзетіп Отанды.
Бағып және әр ауылда
Қырман мен қотанды!
Қайырмасы.
Бас қыздырып даңғыл жолды,
Туратұт маякты!
Оңды-солды, оңды-солды
Тіреп бас аяқты!

1935 жыл.



Пікірлер (0)

Пікір қалдырыңыз

Бір ақынның сандырағы

  • 0
  • 0

Ауру ақын
Ыңқылдайды төсекте
Қыстығып.
Доктор жақын,

Толық

Көңіл

  • 0
  • 0

Тұлпар мініп жүйткіп,
Құйындай ұшып ұйтқып,
Бір жерде көңілім тұрмайды.
Мұратын іздеп,

Толық

Ескерту

  • 0
  • 0

Хат білген қазақ құлақ түрмес пе екен,
Бұл сөзді құлағына ілмес пе екен?
Айтайын отарбадан бір әңгіме,
Мәнісін сендер құрлы білмес пе екен?

Толық

Қарап көріңіз