Өлең, жыр, ақындар

Кәсіпшілерге

  • 23.07.2022
  • 0
  • 0
  • 2057
(Қазақстанның кәсіпшілер ұйымының білім-ағарту бөлімінің нұсқауы)
Ленин

Еңбекші елін
Шақырды Ленин,
Білімге айқын нұсқады.
Білуге қарман,
Білмеуге арлан!—
Деді жалшы ұстазы.

Оқу

Оқу — білім қазығы,
Адамның азығы.
Оқу — өмірдің сәні,
Тіршіліктің шамы.
Сауатсыз надан —
Қор болған адам.

Ұйым

Ұйым бай тұзағын кеседі.
Ұйым байдың қарнын теседі.
Ұйымға жалшы кірмесе,
Болғаны байдың есегі.
Ұйым жалшыға пайда,
Жалдаушыға найза!
Жалшыға ұйым есігі ашық,
Ұйымға тез кіруге асық.

Ұйымға кір!

Ұйымға мүше болмасаң,
Пайдасыз сенің кәсібің.
Рабфактыңда, ВУЗ-дың да
Көре алмассың есігін.
Жалқау болма!
Мүше болсаң ұйымға,
Мүшелік төлеу қиын ба?
Мезгілден қалма, ерінбе,
Жалқауланба, керілме,
Мүшелік ақша — ұйымға қор,
Ұйым онымен зор.
Жәрдемдессең қорына,
Күш салыс, мұқтаждықтың торына.
Тырнақты шеңгел қолынан
Түспегің келсе, күш салыс
Жәрдемдестік қорына.
Әлді кезде ақша сал,
Әлсіз кезде көмек ал.
Жұмысыңа шебер бол,
Шеберден де асуды өнер көр.

Клубта демал

Басқа жерде демалыс —
Жеміссіз уақыт, бос кеткен.
Клубта ғана демалыс —
Уақыт емес босқа өткен.
Өз сөзіңді әуелі
Өзің орында.
Қалам еркі қолында,
Жаза білсең қарар.
Әуелі өзің орында,
Сонда ғана жарар!



Пікірлер (0)

Пікір қалдырыңыз

Келіншек ойы

  • 0
  • 0

Шатынайды тыста аяз,
Қызыл шұнақ үскірік.
Қылшылдайды жалаңдап,
Зәрлі деммен ысқырып.

Толық

Маржан

  • 0
  • 1

Маржан, Маржан, қарағым!
Күлімдейді қабағың.
Түріліпті балағың,
Жалаңаш балғын балтырың,

Толық

Көкшетау қасиеттері

  • 0
  • 1

Адам бар өнеріне бас иетін,
Құрметіне ескерткіш қып тас үйетін.
«Өнерлі кей ұлдарын» еске салып,
Енді айтам Көкшетаудың қасиетін.

Толық

Қарап көріңіз