Өлең, жыр, ақындар

Жайлаудан қымыз ішу

  • 29.07.2022
  • 0
  • 0
  • 1684
Бие байлап, қымыз құяр уақыт болды,
Кәрі-жас, малшы, мырза үйге толды.
Шығыршықты піспекті сылдырлатып
Керіліп жігіт пісті қара көлді.
Тегенеге қымызды толтырып ап,
Аты шыққан бәйбіше мырза қолды.
Тегенені қойғызып қарсы алдына,
Сапырады құлаштап оңды-солды.
Мақұлдамас бәйбішені адам болмас,
Кезімен көрген қанып мұндай молды.
Үкілі ожауменен қымыз құйып,
Жақсы-жаман талғамай бәрін жиып,
Қайта-қайта қымызды бергеннен соң,
Кім шықсын ондай үйден тастап қиып.
Тізіліп босағадан төрге шейін
Келген адам отырар бәрі сиып,
Көйлекшең, шапандарын жамылысқан,
Жалаңаш аяғына кебіс киіп.
Малшылардан өрістің жайын біліп
Дуылдасып, қызысып ойнап-күліп,
Күлу үшін сөздерін бұра сөйлеп,
Бірін-бірі сықақ қып сөзбен іліп.



Пікірлер (0)

Пікір қалдырыңыз

Балуан Шолақ

  • 0
  • 0

Тағы да бір ғажап ер Балуан Шолақ,
Бір қолы отқа күйіп болған молақ.
Цирктің Корень деген балуанының
«Қиратқан қабырғасын жалғыз қолы-ақ».

Толық

Тағы бір тілек

  • 0
  • 0

Өзгерді совет келіп, ел шырайы,
Өзгерді бұрынғы «жау» көрші райы.
Түсті кеп жарлылардың, бөлісіне,
Ірі ну, бай малы мен жер шұрайы.

Толық

Отарбаның жұмсақ вагонында

  • 0
  • 0

Советстан — біздің стан, Совстан.
Экспресс, аума түзу шабыстан.
Гуле жүріп,
Үні құрып

Толық

Қарап көріңіз

Басқа да жазбалар