Өлең, жыр, ақындар

Қызыл жұлдыз

  • 05.08.2022
  • 0
  • 0
  • 2022
Қызыл жұлдыз маңдайында ерлердің,
Үкіметі совет-кеңес елдердің.
Қызыл жұлдыз — еркін еңбек таңбасы,
Туы қызыл, күні қызыл жерлердің.
Қызыл жұлдыз жең сыртында білекте,
Қызыл жұлдыз алда, мақсұт-тілекте.
Қызыл жұлдыз — шын батырдың белгісі,
Сыртқы түсте және ішкі жүректе.
Қызыл жұлдыз алыс аспан — көкте еді,
Неше жүз жыл созса да қол жетпеді.
Енді қолда алтын таңның шолпаны,
Шолпан бұрын біздің қолға кеп пе еді?
Қызыл жұлдыз — адамзаттың шырағы,
Шырағы бар ердің көзі қырағы.
Ұзақ жолда шырақ алда тұрғанда,
Біліне ме жолдың алыс, жырағы!?
Қызыл жұлдыз кең советтің түрінде,
Және ішкі жүрек пенен үнінде.
Маркс, Ленин салған жолы әлі ұзақ,
Түссең жолға, жұлдыз қолда, ерінбе!

1924 жыл, 15-ақпан, Орынбор



Пікірлер (0)

Пікір қалдырыңыз

Үгіт

  • 0
  • 0

Ағайынның, алаштың
Көбі-ақ саған қас шығар.
Мұз боп қатып жүрегің,
Қалған көңілің тас шығар.

Толық

Жас қазақ

  • 0
  • 0

Жаңа батыр жас қазақ,
Еңбекші тап ұланы.
Бай, мырзаға қас қазақ,
Жалпы теңдік ұраны.

Толық

Оқымаған қазақ

  • 0
  • 2

Сендерден қайыршы артық, надан байлар
Құландай тұрағы жоқ біткен тайлар,
Ұдайы екі-үш боран соқса егер,
Жемтік боп сасып қалар терең сайлар.

Толық

Қарап көріңіз