Орамал – Әділет Рахымұлы

Бойжетті, есі кірді, ақыл толды
Әмірді орындайтын уақыт болды
Әурет жердің түгелін жабық қылып,
Қалдырды ашық қып жүз бен қолды.

Кір жұқпаған, мұнтаздай орамалды,
Басына әдемілеп орап алды.
Көйлегінің етегін сәл ұзартып,
Қуанды жасадым деп оң амалды.

Жарасып тұр орамал жас аруға
Асықты қуанышын жар салуға,
Мектебіне беттеді еш уайымсыз
Жаңа оқу жылын қарсы алуға.

Мектебі жылы қабақ танытпады
Істің мән-жайына қанықпады
"Білім алам" деп келген бойжеткенге
"Орамалды шеш" деуден жалықпады.

Еш қисынға келмейтін шешім тапқан
Жоғарыдағы кісілердің есі қашқан.
Орамалды қыздарға рұқсат етпей
Парик киген ұлдарға есік ашқан.

Орамал таққандарды бірден даттайд.
"Көгілдір" бала болса, бәрі жақтайд.
Қыз бала орамалын шешкендердің
Қызтеке жігіттерге тісі батпайд.

08.06.2022