Қаңтар құрбандарына арналады

Қаңтар құрбандарына арналады!

Киіп жүріп қу тірліктің қамытын,
Ұмыттық па Жаратқанның жарлығын.
Бұйрық түскен күні ел-жұрт абдырап,
Талай жанның дайындайды табытын….
Ысып дене, тез суырын кім білген?
Кең ауада жетпей жатыр дем бірден.
Біреуге дос, біреуге әке, адал жар.
Тілсіз жатыр , дымсыз жатыр, кебінмен.
Тулап көңіл, буындырса мұң қайғы,
Деп айта алман «Жігеріңді сынбайды»,
Бір күн емес, мың жыл аза тұтсақ та .
Марқұмдардың орны қайта толмайды!
Шығарып шер, салынған мен сарсаңға,
Пешенеңнен басқа саған «заң» бар ма?
Өлместей боп күн кешкенмен,
Бір заң бар:
Мен де, сен де қонақ бәрі жалғанда.
Мұң кернеген, өртенеді өзегім.
Жұртым жылап, езілмесін өз елім.
Әр құлыңды,
Мейіріміңе ал Жаратқан.
Сен болмасаң, кім едік біз, кім едім

---