Өлең, жыр, ақындар

Отаным – еркіндігім

  • 06.01.2023
  • 0
  • 0
  • 620
Жүрегімде жыр оты жанса егер де,
Парасаттан түйір дән болса менде.
Бәрі де, бәрі дағы сенікі – Отан,
Ақтық сыр да – ажал кеп алса демде.
Ізіме жүріп өткен көз тігерсің,
Ұланым үлгере алмай кетті дерсің.
Беу, Отаным, өзіңнің бір бөлшегің,
Мына менің кеудемде деп білерсің.
Жоғалтпаспын жүректі – бөлшегіңді,
Қорғаным деп біл мені ең сенімді.
Орманым деп біл мені Тайга сынды.
Арманым деп біл мені әмсе нұрлы.
Өлсем де өзім – саған кір келтірмеспін,
Тоқтатпас жүректегі толқынды ешкім.
Отан – анам, сен менің еркіндігім,
Кәмілмін жеңбесіне еркімді ешкім.



Пікірлер (0)

Пікір қалдырыңыз

Қарсылық

  • 0
  • 0

Көзіме тигендей-ақ қамшы бүгін,
Шырқырап бара жатыр жан-шыбыным.
Айқайға бар дауыспен бассам ба екен –
Кеудемді кернеп кетті қарсылығым.

Толық

Сүлеймен сипат

  • 0
  • 0

Сүлеймен деген атыңда
Қасиет кені жатқандай.
Тектілік барын затыңда
Жаныңның жазы айтқандай.

Толық

Екі арман

  • 0
  • 0

Айырық жолдар айырған,
Арасы алшақ екі арман –
Жүздерін жылы мұң жауып,
Жағаны кезіп құмдауыт,

Толық

Қарап көріңіз