Өлең, жыр, ақындар

1 наурыз. 2008. Париждегі айтыс

  • 06.01.2023
  • 0
  • 0
  • 515
Жүрсін Ерманға

Байтақ елден бауыр іздеп біз келдік,
Бұланайды басып өткен із көрдік.
Бақ-талайың алмағайып алмасқан
Басқа түскен бұлыңғырлау күз көрдік.
Өтті-кетті.
Өксіп енді не керек?
Өр кеудеде алдаспан жыр керемет.
Алыстағы ағайынға дем беріп,
Айтыс келді арғымағын жебелеп.
Тұрмаса да ғажайыптар азайып,
Көрмей қалса тартсын дейміз көз айып.
Ұмытылмас
Қақ төрінде Париждің
Қазақ рухы қалықтаған ғажайып.
Бармасаңыз, келмесеңіз білсін кім?
Сілкінісі жүректегі дүрсілдің.
Жанартауын сағыныштың атқылар
Жер тарпыған жүйріктері Жүрсіннің.
Құйрық-жалсыз құлан қайтіп күн көрмек?
Қайсар қазақ келе жатыр күнге өрлеп.
Еуропаға білдірдік біз елдікті
Кеудемізді қасиетті жыр кернеп.
Шет жүрсең де шертпе, бауыр, шерлі күй,
Шалғай елде отау тіккен сен бір үй.
Аңсап келіп аттың басын тірейік,
Артта қалды азап шеккен сорлы күй.
Ән-Әміре ашқан алғаш түндігін,
Париждегі патша көңіл, жырлы күн.
Жаһандағы бар қазаққа жеткізсін
Домбыралы көкіректің күмбірін.



Пікірлер (0)

Пікір қалдырыңыз

Рас

  • 0
  • 0

Бір әмірдің, бір тәңірдің бары рас,
Сол Тәңірі жазғанынан жаңылмас.
Содан басқа,
Пайғамбар да, пенде де –

Толық

Артығали

  • 0
  • 0

Ақтық әлди, ақтық әлди...
Артығали, Артығали...
Қаршыға жыр қанатында
Кештің талай шалқыма күй.

Толық

Спектакль

  • 0
  • 0

Өмір үлкен спектакль,
Ұқсатпадым рөлімді.
Режиссерім зекіп жатыр,
Көзге шұқып кемімді.

Толық

Қарап көріңіз