Сүйем деп ап, cүйе алмадың, cүймедің – Ержан Қабышұлы Қабанбай

Сүйем деп ап, cүйе алмадың, cүймедің.
Алдайтындай сезімдерді кім едің?
Жауапсыздық махаббаттан көргенше,
Ғашық болмай жақсы еді ғой жүргенім.

Естен кетпей киген әрбір көйлегің,
Шырағымды жанбай жатқан үрледің.
Гүлдерімді алғанменен ұсынған,
Бір иіскеп тамағыңнан көрмедім.

Еленбестен қалғанынша мұң демім,
Сезімсіз ақ тас болғаным жөн дедім.
Мас болғанша алдамшы у шырынға,
Қызық көрмей абзал өмір сүргнеім.

Жәбір көрген махаббаттан өзге мың,
Ей жігіттер мен де өзіңмен біргемін.
Сезімде де жарақатсыз майдан жоқ.
Жарым болмай жақсы бірден өлгенің.
Ержан Қабышұлы /Bura-Naiman