Ұлылардың ұлысы-Абай атам! – Гульназ Сайлауова

Жырларымның жүректе жұмағы көп,
Маңайыма жайғасты тұрағы кеп.
Абай ата сияқты ұлы тұлға,
Мың ғасырда туылды бір-ақ рет!

Өлең үшін кеудемнің бар тұнғаны,
Поэзиясы- Алашқа жарқылдады.
Құдіретін өлеңнің ұғындырған,
Абай ата – жырлардың алтын тағы!

Өлең үшін жүректің жары тұнған,
Қазағымда ақын жоқ ұмытылған.
Қайталанбас дара жан, Абай ата,
Ұқсамайтын ешкімге Ұлы тұлғам!

Поэзияға келіп жүр жақындағым,
Ұлыларды ұлықтап жатыр бәрін.
Құнанбаев атамдай ұға алмайды,
Ешбір қазақ жүректің ақын жанын.

Абайды – әлем деуге болады, жеке, дара,
Өлеңді патша қылған сөзбен қара.
Үлгі, өнеге мәңгілік, санамызда,
Абай дара, ол жалғыз, біреу ғана.