Қазақ зары – Ernar_akyn

Расында да көп қиналдың қазағым
Көпті көріп көп ғұмырың жасадың
Жандарбектей айтыс төрлі ағамның
Сөзіменен өлеңімді бастадым

Соғыс десе көшті алға жүргізіп
Малың десе өзіңе өмір сүргізіп
Кең далада соншама жыл Ресейге
Отар болдың,байлығыңды жегізіп

Талай талай ұлтжандарды қорладың
Әділдікпен қосарласып тумадың
Таяқ болып тиді ма екен басыңа
Намыспенен жора жолдас болғанның

Басшыларым,неге сендер соқырсың
Бізді тонап алға баспай отырсың
Арам ниет тілеп жатсаң халқыңа
Онда олар саған сеніп құртылсын

Әкімжандар сөздерің жоқ бастарға
Жол бермедің болары бар жастарға
Кіршігі жоқ ақ ниетін халқыңның
Қара түсті параменен ластама

Айтарым көп,көңілім жоқ достарым
Іске аспайды түбі мынау жоспарым
Рухы жайсаң ұлы қара өлеңді
Жәй әшейін Инстаграммға тастадым