Өлең, жыр, ақындар

Жарқыра, жарық жұлдызым

  • admin
  • 29.12.2023
  • 0
  • 0
  • 699
Қадалып көкке жатырмын,
Жұлдызым менің қай тұста?
Жұлдызы қандай ақынның,
Ақындай мұңлы байғұс па?
Төсінде көктің тұңғиық,
Көмескі тартып тұрсың ба?
Тұрсың ба сен де жыр құйып,
Тәңірі атқыр тылсымға.
Жұлдызы болып ақынның,
Жаралған болсаң, жасыма!
Жанарын жасқап жасыңның,
Жақұт боп шашыл басыма!
Шабыт боп шарпып шайқағын.
Дарын боп дара дабылдап,
Өнердің сүймен сайқалын,
Сайқалды кетсін қағынды ап.
Түскенше көктен сорғалап,
Жасанды бола көрмегін.
Қарақан басын қорғалап,
Кім көрді ақын өлгенін.
Жұлдызым, маған кейде сен,
Кінә да, мүмкін, тағарсың.
Жарты сөз жалған сөйлесем,
Алдамшы көзім ағарсын.



Пікірлер (0)

Пікір қалдырыңыз

Білем деме

  • 0
  • 0

«Білем деме, шексіз ғалам, тылсым өмір сырларын,
Білесің бе шексізден тыс не құдірет тұрғанын.
Әлем сырын білмек болып аласұрған жандар көп,
Білмек те емес, білген де емес бір данышпан, бір ғалым.

Толық

Ғаламның сіңіп кеттім тылсымына

  • 0
  • 0

Ғаламның сіңіп кеттім тылсымына,
Тылсымның кім түсінер қыр-сырына.
Ғалам сырты қаптаған тірі тозаң,
Құл болған құрбан болған құлқынына.

Толық

Сезім қайда, Құдай-ау, лапылдаған

  • 0
  • 0

Сезім қайда, Құдай-ау лапылдаған,
Жанып кете жаздайтын жақындаған.
Ой да салқын бұл күнде, бой да салқын,
Жүректі аяз қариды сақылдаған.

Толық

Қарап көріңіз