Өлең, жыр, ақындар

Қарашы мына күннің түнерісін

  • admin
  • 03.01.2024
  • 0
  • 0
  • 417
Қарашы мына күннің түнерісін,
Кетпек пе тып-типыл ғып гүл өрісің!
Жарықтық, жадырағын, ертең мейрам,
Халықтың қара құрым тілегі үшін,
Жаратқан, халқынды сен білемісің?!
Шық бүркіп, тұманыңмен тұншықтырып,
Көрсетпе халқыңа сен қырсық қылық.
Сұғымен сұлулықты сұлатты күз,
Жүретін жанның бәрін ынтықтырып.
Үрпиген мойынындай көк кұтанның,
Тал, терек сілкілейді тек бұтағын.
Жоғалтпай жазға деген інкәрлығын,
Жаяды жасыл шырша серт құшағын.
Алатау аспанға ұшып кетті ме екен,
Көрінбей қалды неге текті мекен.
Жақсылық күтіп қарап жаутаңдаған,
Жанарлар әлде мезі етті мекен?
Тұнжырап кетті бәрі төңіректің,
Тұр ма екен жазын жоқтап еңіреп күн.
Жанарым менің қоса мөлтілдейді,
Тіршілік, тебіренгін, тебіренттің.



Пікірлер (0)

Пікір қалдырыңыз

Бірдей емес барлық бейне

  • 0
  • 0

Бірдей емес барлық бейне, мүсін де,
Бірдей емес екі қолда күшің де.
Бірдей емес бір сәттегі қозғалыс,
Бірдей емес бір сәттегі ісің де.

Толық

Талқан етіп тағдырдың қыл шылбырын

  • 0
  • 0

Талқан етіп тағдырдың қыл шылбырын,
Туды десем сенем бе сыршыл күнім.
Сапырылған санамда шайқатылып,
Сағыныш боп әлі де тұрсың, гүлім.

Толық

Бауырым Абайға

  • 0
  • 0

Арысым, ақ пейілім, Абайым-ай,
Жас толар сені ойласам жанарым-ай!
Ағалап жарқ-жұрқ етіп жүруші едің,
Жұлдызың ерте сөнді-ай, қарағым-ай.

Толық

Қарап көріңіз