Өлең, жыр, ақындар

Бақытына ұқсамайтын басқаның

  • admin
  • 05.01.2024
  • 0
  • 0
  • 514
Бақытына ұқсамайтын басқаның,
Бақытым бар,
Бақытсыз деп қашпағын.
Кештеу келіп өмірімнің көктемі,
Кешеуілдеп шешек ата бастадым.
Қаңтар айы қаһарлылау болды да,
Біле алмастан жүрдім онды-солды да.
Сүрлеуменен,
Соқпақпенен бел асып,
Енді таптым армандаған жолды да.
Арман жолы, бірақ оңай емес-ті,
Ұйытқып соғып қарсы алдымнан жел есті.
Жету үшін шарықтайтын шыңыма,
Асу керек әлі талай белесті.
Белес, белес, алда мұнар биік тау,
Қойнауына көп қазына жиыпты-ау.
Осы тауға жетем деумен талай жан,
Жол бойында өмірлерін қиыпты-ау.
Жүріп келем үміт оты сөнбестен,
Талай өзен сарқылыпты-ау мен кешкен.
Қиындықты жеңеді екен,
Қашан да
Өзіне-өзі сеніп қана белдескен.



Пікірлер (0)

Пікір қалдырыңыз

Ана тілім

  • 0
  • 0

Ана тілім,
Дана тілім!
Татыған таңдайыма дара шырын,
Аяулы ақ сүтісің анашымның.

Толық

Сұрақ еді жанымды мазалаған

  • 0
  • 0

Сұрақ еді жанымды мазалаған,
Жауабыңа қанықтым назалы адам.
Бір жаманның өлердей ұяты үшін,
Жан екенсің өзіңді жазалаған,

Толық

Шөліркеген екен-ау, жырға жаным

  • 0
  • 0

Шөліркеген екен-ау, жырға жаным,
Келдіңдер ме сыңғырлап сырғаларың?
Өңім түгіл өнбойы түскен енсең де,
Бірің қолға түспестен құр қаламын.

Толық

Қарап көріңіз