Өлең, жыр, ақындар

Жаны шуақ жан екенсіз

  • admin
  • 08.01.2024
  • 0
  • 0
  • 519
Таттым аға, ащыны да тәттіні,
Енді оралмас балалықтың пәк күні.
Көре-көре көсем болар дегендей,
Көре-көре білдік жаман-жақсыны.
Тоймас көңіл таққа, баққа, сейілге,
Тояды екен ықылас пен пейілге.
Жағдай сұрап жан ашырлық білдірген,
Әлде сізді туған бауыр дейін бе?
Құлан сынды құйрығы жоқ, жалы жоқ,
Өстім жалғыз ата-анамның бары боп.
Кейде тентек, кейде тіпті мұңлылау,
Көңіл күпті жүрем әрі-сәрі боп.
Аға іздедім ақ шалса да шашымды,
Жалғыздықтан ұрдым жарға басымды.
Ақ қанаты арманымның қайырылып,
Қауырсыны қара жерге шашылды.
Жұбандырған сәтіңіз де көп мені,
Іні етіңіз, негізіңіз текті еді.
Аға таптым дейін арқа тұтатын,
Ағасыз ем тағдырыма өкпелі.
Азды-көпті өзіңізді білгелі,
Тәтті ой тербеп, көзім кірпік ілмеді.
Жаны шуақ жан екенсіз Қал-аға,
Шуағыңыз шаттандырып жүр мені.



Пікірлер (0)

Пікір қалдырыңыз

Қарыма талдан құрық ілмедім бе

  • 0
  • 0

Қарыма талдан құрық ілмедім бе,
Жапанда жылқы бағып жүрмедім бе?
Қырық құлаш қыл арқанмен қауға тартып,
Ақжем ғып алақанды тілмедім бе?

Толық

Тыншымады көңілім, тыншымады

  • 0
  • 0

Тыншымады көңілім тыншымады,
Тыншымастан қай жаққа құлшынады?
Бірде күндей жап-жарық, бірде түндей,
Жанып-өшіп жанымның мың шырағы.

Толық

О, Алыпсоқ, білесің бе, қалды қанша ғұмырың

  • 0
  • 0

О, Алыпсоқ, білесің бе, қалды қанша ғұмырың,
Мойынында темір шынжыр, түні бойы ұлыдың.
Тұнып тұрған тыныштықтың тереңінен сыр тартып,
Мен де отырмын, тозса дағы, «тозбады, деп, жұлыным».

Толық

Қарап көріңіз