Бір күн

Бір күн бақыт, бір күн шаттық, бір күн мұң,
Әсерінен шыға алмаймыз бір күннің.
Қуанышта ұмытамыз барлығын,
Қайғы келсе ластап көңіл тұнығын.

Бір күн байсың, ақшаңда көп, тоқ күйің,
Бір күн тіпті таба алмайсың көк тиын.
Бір күніңде өзгерем деп жүгірсең,
Бір күніңді шегересің көп кейін.

Бір күн ғашық боп жүресің сұлуға,
Бір күн дайын боп жүресің құруға.
Бір күндері махаббатты көп бөлсең,
Бір күн зәру боп қаласың жылуға.

Өмір осы бір күн кетер, бір күн кеп,
Әр күніңде жүру керек күлімдеп.
Сол бір күнің келмей қалса қайтесің,
Уақытыңды бағаламау бір індет.

---