Өлең, жыр, ақындар

Алаң далам, алаң тауым, алаң қыр

  • admin
  • 19.04.2024
  • 0
  • 0
  • 233
Алаң далам, алаң тауым, алаң қыр,
Ызыңдайды ми шиырлап мазаң жыр.
Мына өмірдің ардың-күрдің кейпіне,
Мысы құрып жүйкем менің азар жүр.
Шибөрі көп, маң төбетке талаңғыр,
Өтіріктер күл-бүлтесіз, жалаң жүр.
Бәйгелер бар кім келері белгілі,
Тақым жазып тексерілмес шамаң бір!
Шама-шарқың ескерілмес заман бұл,
Заман болды пысықайлар төр аңдыр.
Арсыздардың мазағы боп адал жүр,
Мың кісіге бастық болып надан жүр!
Оларды айтып жазғың келмес жаман жыр,
Оны жазсаң кеудең күңгірт, қалам кір.
Он жолыққан шыдата ма озбырлық,
Шындықты айтып, шер тарқатып алам бір!



Пікірлер (0)

Пікір қалдырыңыз

Мен тек қана сенімен өмірлімін

  • 0
  • 0

Көгілдірім,
Мен тек қана сенімен өмірлімін,
Бермес маған ешкімде төрін бүгін…
Қарап тұрып қабырғам қайысады,

Толық

Тағы да қаздар қайтты

  • 0
  • 0

Тағы да қаздар қайтты,
Қиқулап аспанымнан.
Тағы да мұң-сырды айтты,
Ой әлек қас қағымда.

Толық

Махамбетті қайта жерлеу рәсімінен кейінгі ой

  • 0
  • 0

Қатар өткен жастық шағы тай-құлын,
Бір заманның еркін кешкен айдынын.
Қалайша ұғып, түйсінбеген Ықылас,
Махамбеттің жырларының айбынын?

Толық

Қарап көріңіз