Өлең, жыр, ақындар

Сынық Аймен сырласады қайың жалғыз...

  • admin
  • 22.04.2024
  • 0
  • 0
  • 335
Сынық Аймен сырласады қайың жалғыз,
Суық маңнан біз кетеміз, дайындал, қыз.
Орамалмен қара түсті оранған бұлт,
Сары, қоңыр теңіздермен шайылған күз.
Оралады мойныма кеп жыланды қыз,
Шаққан сайын мұң жүрегім уланды жүз.
Жылы нұрын қызғануда тәкаппар шам,
Жапырағын жасқа малған жылаңқы күз.
Сезім-жүрек бір тостаған бақ сыныпты,
Бұл жалғанда мейрімділік тапшы тіпті.
Жүрегіме бар қайғыны сыйдырып-ап,
Адамдарға сыйласам ғой жақсылықты.
Туылғанмын тас жүрекке қашап өлең,
Жан айқайды кім естісін, жаһан керең!
Мен тірімде жамандықпен күресемін,
Мен өлерде жақсылықты жасап өлем!



Пікірлер (0)

Пікір қалдырыңыз

Сенің сөздерің

  • 0
  • 0

Сен маған «ойламаймын, ұмытамын» дегенсің,
Сен маған «өзге жанды жылытамын» дегенсің.
Сен маған «сағынбаймын, жыламаймын» дегенсің,
Сен маған «мұң алдында құламаймын» дегенсің.

Толық

Мұң Ай...

  • 0
  • 0

Керім,
сенен хабар жоқ,
онсызда
сен тұрмысқа шыққалы бері

Толық

Менің аппақ аққуым ұшқан кезде...

  • 0
  • 0

Менің аппақ аққуым ұшқан кезде
Жыр кеудемде жұмыр ет езілген күн.
Біздің аспан сағынып жылағанда
Қанатымның сынғанын сезінгенмін.

Толық