Өлең, жыр, ақындар

Жоғалмас байлық

  • admin
  • 22.04.2024
  • 0
  • 0
  • 410
Жылады, жас жүрек жылады,
Сөнгендей кеудемде шоқ үміт.
Құлады, от жұлдыз құлады,
Қап-қара аспанға шомылып.
Тұрады, сенемін тұрады,
Жоғалмас шыңдарға соғылып.
Сыңғырлап сезімнің сыр үні,
Кеудемнің алады мазасын.
Гүлдерден жасалған бұрымы,
Таудағы өзенсің, тазасың.
Жүректі жоғалтқан ұрыны
Мұңайған тоғайдан табасың.
Жүректің керегі шамалы,
Байлық жоқ, сенделген мұң ғана.
Мұңменен салынған қамалы,
Жан-жағы құла дүз, құм, дала.
Жұлдыз бар дос болған саналы,
Түсінген жүрегін түн ғана.
Жоқ, досым! Жүрексіз жүрмеймін,
Көнбесін көңілім құмартып.
Тас кеуде, шөл дала болмаймын,
Өтсем де өмірден мұң артып.
Жүрексіз атақтан, байлықтан
Мұңайған жүрегім мың артық.



Пікірлер (0)

Пікір қалдырыңыз

Тау

  • 0
  • 0

Таудан бұлттар көшеді
Салқын самал еседі.
Қолым созып биікке,
Тауға қарап өсемін.

Толық

Мен Нұржанмын...

  • 0
  • 0

Иә, Нұржанмын... мен Нұржанмын...
Нұржанмын...
Жаралдым ба, жұлдыз құйған нұрдан мың?
Нұрбек пенен Нұржан мүлдем бөлінбес,

Толық

Аққу өлді көлінде жүрегімнің...

  • 0
  • 0

Аққу өлді көлінде жүрегімнің,
Суығына аймақтың шыдай алмай.
Сен отырсың сезімнің түре күнін,
Терезеңнің алдында жылай алмай.

Толық