Өлең, жыр, ақындар

Көзімде – күрең күз бар суықтау

  • admin
  • 24.04.2024
  • 0
  • 0
  • 350
Көзімде – күрең күз бар суықтау,
жапырақтары жалыққан, тоңған.
Кірпігім – ұшы жалаң бұтақтың,
Қыз саусағындай қорыққан...
Солған жапырақтарымды тұтқан
көңіл – діңгегім,
тамыры – жүрек...
Күз жаным атырабында жатқан
мұңды қозғайды ақырын үрлеп...
Жабыққан шаһар қарап тұр менің
жанарымдағы
жаңбырлы баққа,
ғимараттарға да, жел бүркенген;
бара жатқандай жолдарды таптап,
жығылғандай ма сәждеге барып,
алақан жайған қайыршыдай ма,
көздер ме тұрған көктерге қарап –
қазан есімді қайырлы айда
жанар-бағынан қала жолына
жауып жатқан бұ жапырақтарым.
...Сусып түсетін алақаныңнан
бір уыс қана топырақ бәрі...



Пікірлер (0)

Пікір қалдырыңыз

Мені іздейді мекендер

  • 0
  • 0

Мені іздейді...
Атамекен туған жер тынысы — мұң,
Сыр сақтаған бағы — дала, ырысы — құм.
Күтеді, әне, қарт бабам үй алдында,

Толық

Сүйер едім...

  • 0
  • 0

Ғасыр қарап тұрар ем жанарыңа,
Сыздаса да жүректе жара мына.
Қарай алман, кеш, гүлім, сенсем дағы
Өңіріңе ақ моншақ тамарына.

Толық

Үйің қайда достым

  • 0
  • 0

Үйің қайда достым,
дәмсіз, мәнсіз жол жүруден шаршамадың ба?
тоңдың, жаурадың,
есігіңе қайта-қайта соғылып боран,

Толық

Қарап көріңіз