Өлең, жыр, ақындар

Бөрі жүрек Айға ұлиды

  • admin
  • 22.04.2024
  • 0
  • 0
  • 304
Көрдім сенім ақ жүзіңнен еркелеген,
Көрмей сезім бұрылдың-ау ерте менен.
Бекежанның оқ жанары садақ болып,
Қыз Жібектен айрылды ғой ер Төлеген.
Көңіліңнің мұңын ағыз, жырын ағыз,
Достық сезім құшағына жылынамыз.
Үш жүректің үшіншісі, артығымын,
Үш ай бойы қонақ болған жылына күз.
Ұтылыс көп бұл тағдырдың ұтарынан,
Бақытыңды ғашығыңның күт арынан.
Танауымда әлі күнге гүлдің иісі,
Аңқып тұрған тамағыңның жұпарынан.
Мән бермеші сүйем деген сол сөзге де,
Сүйіктіңнен қызғанамын әр кезде де.
Дос боп мәңгі болсақ дейсің шал мен кемпір,
Мен шалыңнан қызғанар ем сол кезде де.
Бәрі өтті, бәрі кетті, бекер емес,
Сағымданған қиял сәттер, өтер елес.
Махаббаттың пойызына мініп кеттің,
Тұлпар жүрек екпіндейді, жетер емес.
Сені көрсе адасады айла кілең,
Мен сондамын, қайда күз, қайда күрең?
Жанарыңнан көріп жүрген жарық сәуле,
Енді мұңда, мекендейді Айда білем.
Сені көрем келбетімнен айна қылып,
Мен кілттеген жүрегіңде қайда құлып.
Түннен қорқам...
өртенеді жұлдыз мұңым,
Жоқтап сені бөрі жүрек Айға ұлып.



Пікірлер (0)

Пікір қалдырыңыз

Екі шың

  • 0
  • 0

Мұңды сүйер, мұң көтерер ер деген...
Жан-жүйкеңді жыр әлемі кернеген.
Ғашығың бар, жан досың бар, мұңың бар,
Бай адамды сен секілді көрмегем.

Толық

Жалғыз қаламын сені есіме алу үшін

  • 0
  • 0

Әдемі көздер, шұрайлы сөздер айласы бар,
Аңсаймын досты жүзінде нұр бар Айға сыңар.
Бақытты шақта қасымнан ылғи табылған,
Әй, бәтшағарлар, қайдасыңдар!?..

Толық

Көзімді көкке ашып

  • 0
  • 0

Көзімді көкке ашып,
қарағаным пыр-пыр етіп ұшқан сайын,
соңында тұрып қалам
аспанның қай шетіне самғар екен деп...

Толық

Қарап көріңіз