Өлең, жыр, ақындар

Қаракөк, жылқы ішінде биемісің

  • admin
  • 09.08.2024
  • 0
  • 0
  • 313
Қаракөк, жылқы ішінде биемісің,
Құдай десең тамұққа күйемісің?!
Тағат, ғибадат, құдайға құлшылық қыл,
Дүниеде ақырда өлмей жүремісің!
Арам болса қашады су кісіден,
Естімеген сөз шығар қу кісіден.
Құран, кітап айтқаны рас болса,
Жұмақ көрер бір жан жоқ бұ кісіден.
Тілеймін бір құдайдан əуелі иман,
Айрылсам иманымнан көрге сыйман,
Бере гөр тілегімді, хақ тағала,
Құдай-ау, құдіретіңе жаным құрбан.
Күнəны іздеп алдық басымызға,
Жолаттық малғұнды қасымызға,
Ахиретте жұмақта болмас па едік,
Сəби боп дүниеден қайтсақ жасымызда.
Осылай сөз сөйлеймін көңліме ала,
Құдайдың құдіретіне бар ма шара?!
Жатсам, тұрсам тілеймін иманымды,
Бере гөр тілегімді, хақ тағала.



Пікірлер (0)

Пікір қалдырыңыз

Бақ көшсе, ақылыңа қарамайды

  • 0
  • 0

Бақ көшсе, ақылыңа қарамайды.
Жақсыны жаман адам табалайды.
«Адам басы алланың добы» деген,
Шал Құлекеұлы

Толық

Мен келдім алпыс жастың бесеуіне

  • 0
  • 0

Мен келдім алпыс жастың бесеуіне,
Не жиып, не жетпейміз нешеуіне.
Құдайым иман бергей, бір қаза бар,
Шал Құлекеұлы

Толық

Қоғалы көл, нар қамыс

  • 0
  • 2

Қоғалы көл, нар қамыс,
Қар үстінде от жанар.
Баласы жаман туғанның
Әкесін түйе үстінде ит қабар.

Толық

Қарап көріңіз