Ақ тырналар

Барады аспандатып ақ тырналар,
Тізілген бұлт төсінде ақ сырғалар.
Кетті ғой жылы жаққа жаутаң қағып,
Ғаламат жер бетінде таптырмаған.

Қайырмасы:
Ахау, ақ тырналар,
Ақ сырғалар.
Тұңғыш сезім,
Мөлдір кезім.
Толды ғой ақ сырғаға
Екі көзім.

Кең сайда ойнаушы еді лала гүлдей,
Кеткенін қалды-ау туған дала білмей.
Алыстан ғашық әнін естігенде.
Жүрегім лүпілдейді бала күндей.

Қайырмасы

Жан дауа сыйлы күндер көрген едім,
Сездім ғой қимай қанат сермегенін.
Тағдырдың ғашық жүрек бере салып,
Қарашы ұшар қанат бермегенін.

Қайырмасы

---