Өлең, жыр, ақындар

Жезқазған – ғашықтар қаласы

  • admin
  • 01.09.2024
  • 0
  • 0
  • 241
Ақ жаңбыр жарысып сәулемен,
Ән болды әр сөзім әу – деген.
Ақ жүзің астасты жан еркем,
Кеншілер қарсы алған таңменен.
Самал жел Ұлытау саясы,
Жезқазған – ғашықтар қаласы.
Сәулесі жайнатқан өңімді,
Жұлдыздар жолыма төгілді.
Жасымнан құмар құс – ұлар құс,
Жанарың жарқ еткен көрінді.
Жалғасқан қос жүрек арасы,
Жезқазған – ғашықтар қаласы.
Қара көз мөлт еткен жанулар,
Мезетке болдым ғой зәру-зар.
Аққулар қалқып жүр Қоскөлде,
Достарым, бір көріп қалыңдар.
Жазылар жас жүрек жарасы,
Жезқазған – ғашықтар қаласы.
Жан, зекет, шын тату көрмесең,
Өмірге әуре боп келмес ем.
Сені іздеп жүрмін ғой «Жез киік»,
Алдымнан бір өтші сенбесең.
Қимастай адамның санасы,
Жезқазған – ғашықтар қаласы.



Пікірлер (0)

Пікір қалдырыңыз

Келемін ән емн жырдың қанатында

  • 0
  • 0

Бойымда жалыны бар бұлан ердің,
Ойымда ағыны бар Құлагердің.
Шабыста топтан озып алға тартсам,
Келеді сол қалпымда тұра бергім.

Толық

Бірлік төрі – Астанам

  • 0
  • 0

Асыл аймақ, Есіл еркем,
Құтты болсын көшің көркем –
Ел аңсаған.
Кәкімбек Салықов

Толық

Көкшетаудың қаласы

  • 0
  • 0

Көкшетаудың қаласы мен даласы,
Қопа көлдің құмқайрақты жағасы;
Бала күнде талай асыр салған жер
Шабыт қозғап жібергенін қарашы.

Толық

Қарап көріңіз