Мағжан ақындықтың Абылайы – Кәкімбек Салықов

Абайды ақындықтың Күні десем,
Ай керек жарқыратар түнін көшем.
Қазағым, соның бәрін ойлар ма едің,
Тәуелсіз ел боп қайта тірілмесең.

Қайырмасы:
Ақындық бар әлемінің нағыз айы,
Ақжолтай сиқыр сөздің Ағыбайы.
Тұранды ұран еткен қыран-қазақ,
Мағжан ақындықтың Абылайы.

Қайырмасы

Жан еді берері көп оқ алмаса,
Кер заман атын ерте доғармаса.
Абайдан – кейінгім – деп кімді айтар ек,
Мағжан ортамызға оралмаса.

Қайырмасы

Молайтса қайсар ақын берекемді,
Көш түзеп, қыран-дала ере келді.
Жарқ етсе баяғыдай «Батыр Баян»,
Еске алдық Наурызбай мен Кенекемді.

Қайырмасы