Қуат Қайранбаев

Қызғалдағым

Бұл бетте «Қызғалдағым» атты Қуат Қайранбаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
02.09.2024
0
0
953

Ынтық еткен өзіне қызғалдағым,
Өмірімді көркейткен гүлзар бағым.
Жүрегім де әр мезгіл сен деп соғып,
Арманменен алдыңа жүз барғамын.

Қайырмасы:
Ей, қызғалдағым, қызды арманым,
Осы әнімді қызғалдақ қызға арнадым.

Қызыл гүлдей құлпырған қызғалдағым,
Не сезім бар бойыңда ызғар, жалын?
Өзге біреу үзіп ап кетердейін,
Бір көрмесем күніне мұздар жаным.

Қайырмасы

Қытықтаған көңілді қызғалдағым,
Өтейін деп солмай-ақ күзді алдадың.
Қызғалдағын қызғыштай қорып жүрген,
Тұсай көрме жігіттің ізгі арманын.

Қайырмасы

Тыныс берген тірлікке қызғалдағым,
Байқадың ба жүректің жыр жазғанын.
Махаббаттың мендегі белгісі деп,
Осы әнімді қызғалдақ қызға арнадым.

Қуат Қайранбаев өлең Қазақша өлең қызғалдағым Қуат Қайранбаев өлеңдері

Пікірлер (0)

Пікір қалдырыңыз

Жиі қойылатын сұрақтар