Гүлмекен Қасенбай

Ұзатылған келіншектің мұңы

Бұл бетте «Ұзатылған келіншектің мұңы» атты Гүлмекен Қасенбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

gumakanapia
04.09.2024
0
0
429

Ұзатылған келіншектің мұңы

Қызым...
Кешір мені, кінәлімін алдыңда,
Амал бар ма, тайыны жоқ тағдырға.
Өзегімді жұлып тастап барамын,
Жалғыздықтан қашамын деп біржола.

Қыз тағдыры қиын екен білгенге,
Түсе алам ба, бұралаңсыз сүрлеуге?
"Шамшырағым жана ма?!"- деп барамын,
Зор үмітпен сеніп тағы күйеуге.

Қызым...
Жүрегімнің бөлшегісің сен менің,
Өзіңнен еш жырақ кетіп көрмедім.
Бір қуанып, бір қайғырып, сан жылап,
Сезімдердің арнасында сенделдім.

Ботам...
Балапаным, нәзігімсің тәп-тәтті,
Сөге көрме, жан анаңды тым қатты..?!
Екеумізге қорған керек, ел керек,
Әке таптым деп ойлаймын ардақты.

"Ертегідей болса екен"- деп келер күн,
Беймәлім бір әлемге еніп келемін.
Кешір жаным, кешіре алсаң, анаңды...
Бір бақытқа жетеміз деп сенемін!

01.09.2024

Ұзатылған келіншек сыңсу Ата-ана мен бала арасындағы махаббат ұзатылған келіншектің мұңы gumakanapia өлеңдері

Пікірлер (0)

Пікір қалдырыңыз

Жиі қойылатын сұрақтар