Жаным балам

Қазақша өлең мәтіні, өлең жолдары және толық нұсқасы.

Дүниеге сен келдің ғой жаным балам,
Жарығым, өмірдегі барым балам
Байлығы болашақтың тұрған биік,
Дәулеті, бақытымның жалындаған.
Ақ таңға арайланар қуанамын,
Өзіңді көріп жаным жұбанамын.
Тірліктің болмысының керегі не?
Келмесең мен бір қайтіп қуанармын.
Алысқа көз жүгірткен қарашығым,
Өмірдің болашағы, бар асылым.
Көкте күн, жерде жұпар сен жүргенде,
Мәңгілік Алтын Ордам, ән асылым.
Ақ таңға арайланар қуанамын.
Өзіңді көріп Ботам жұбанамын.
Тербеген үйде жаным бесік жырын,
Әкеңнің әр кез сезгей қуанарын.
Ғұмырлық байлығыма таңыламын,
Сені иіскеп рахатыма малынамын.
Күн батса саулығыңды мен мың сұрап,
Таң атса тірлігіңе табынамын.
Ақ таңнан арайланған сен көріндің,
Жанымның жайлауындай кең беріп үн.
Даусыңнан шырылдаған айналайын,
Әкеңді орап алды-ау кетпейтін үн.


Пікірлер (0)

Пікір қалдырыңыз

Жиі қойылатын сұрақтар

Жаным балам өлеңінің авторы кім?

Жұматай Түсіпов — осы өлеңнің авторы.

Жаным балам өлеңінің толық мәтінін қайдан оқуға болады?

Бұл бетте өлеңнің толық мәтінін онлайн оқуға болады.

Жаным балам өлеңі не туралы?

Бұл өлеңде Жұматай Түсіпов өз ойы мен сезімін көркем түрде жеткізеді.

Жаным балам өлеңінен үзінді бар ма?

Бұл бетте өлеңнің толық мәтіні мен шумақтары ұсынылған.

Осы автордың басқа өлеңдері