Өзіңді іздеп табамын

Сан жылдар бойы өмірдің өрін таптадым,
Жүрегім қалар сүйікті жанды таппадым.
Көгімдемісің,
Көлімдемісін,
Қайдасың?
Қайдасың менің армандап жүрген ақ таңым.
Белгісіз сезім оятып алған бір епті,
Жалқылық тіпті жаралап бітті жүректі
Бұлдана бермей,
Ұрлана бермей,
Көрінші!
Көрінші, жаным, телмірте бермей тілекті!
Аруды аңсап махаббат көгін шарладым,
Беймәлім жарды іздеуден бір сәт танбадым.
Пәк жанымбысың,
Ақ жалынбысың,
Қандайсың?
Қандайсың менің алдыдан күткен арманым?
Махаббат атты көлге сап қойған қармағым,
Беймәлім маған қандай бір шабақ алмағың.
Бейнетімбісің,
Зейнетімбісің.
Қандайсың?
Қандайсың, әлі жұмбақ боп жүрген ардағым?
Жарқылын жоймай жалындап тұрса жанарым,
Шағылып қалмай шақырар шыңға талабым.
Тауға да тығыл,
Бауға да тығыл,
Бәрібір!
Бәрібір, жаным, өзіңді іздеп табамын!

---