Өлең, жыр, ақындар

Алдыңызда жаңа кітап – күнтізбе

  • admin
  • 07.09.2024
  • 0
  • 0
  • 324
Алдыңызда жаңа кітап – күнтізбе,
Күрсінбестен жыртып тастап жүрсіз бе?!
Құмсағатты бітейсіз бе белінен,
Қарындас боп сырымды айтсам бір Сізге?
Күлкі көрдім Сізден ғана риясыз,
Күле түскін, неге езуді жиясыз?
Кеңдігіңіз көшірмесі даланың,
Қанағаттың қауызына сыясыз.
Сабырдың да Сізден көрдім салмағын,
Аға тұтпай жүретұғын бар ма күн?!
Биіксің деп бұлданбаса біреулер,
Бар ма басқа тағатұғын тауға мін?!
Айнымайтын біртоғалық қалыптан,
Тазалықтың табиғатын танытқан,
Көлеңкені ысыруға, сірә да
Сіздің жүрек жаралған-ау жарықтан?!
Алдыңызда жаңа кітап – күнтізбе,
Күрсінбестен жыртып тастап жүрсіз бе?!



Пікірлер (0)

Пікір қалдырыңыз

Көңіліңе мұң сыйласам, кеш, жаным

  • 0
  • 0

Көңіліңе мұң сыйласам, кеш, жаным,
Елгезек үн естіртеді ескі әнін.
Болымсыздан жасай берме босқа мұң,
Сағыныш Намазшамова

Толық

Жолдар, жолдар

  • 0
  • 0

Жолдар, жолдар, қай жаққа алып барасың?
Жақындатып батыс-шығыс арасын.
Сағым болып жүгіреді жеткізбей,
Сағыныш Намазшамова

Толық

Дерт-азабын теңестіріп ләззатқа

  • 0
  • 0

Дерт-азабын теңестіріп ләззатқа,
Сүйдім, сосын бел байладым қазатқа.
Сосын тағы бытырадай бөліндім,
Сағыныш Намазшамова

Толық

Қарап көріңіз