Сағыныш Намазшамова

Күнделікке сыр айтамын, ақыл ап

Бұл бетте «Күнделікке сыр айтамын, ақыл ап» атты Сағыныш Намазшамова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
07.09.2024
0
0
340

Күнделікке сыр айтамын, ақыл ап,
Жансыз дәптер жан досыңа татымақ.
Ақтармасын.
Тапталмасын табанда,
Жүрек сырын жайып салған жапырақ.
Парағынан қарайды бір күліп күн,
Ұмсынады, құлшынады бір ұшқын.
Уақытымды кенде қалған елемей,
Бақытымды бейнелеуге тырыстым.
Бір парақта лап етуге асықты от,
Қайта жанды бір алауын басып кеп.
Базар-ғұмыр қыздырғанда көрігін,
Ғазал жырым жазылады ғашық боп.
Бір бетінде таңырқадым, торықтым,
Бір бетінде залымдықпен жолықтым.
Күрсінбеуге, сүйенбеуге төселіп,
Білсін деуге, сүйем деуге қорықтым.
Күнделікке сыр айтамын, ақыл ап,
Жансыз дәптер жан досыңа татымақ.
Ақтармасын.
Тапталмасын табанда,
Жүрек сырын жайып салған жапырақ.

Сағыныш Намазшамова өлең күнделікке сыр айтамын ақыл ап Сағыныш Намазшамова өлеңдері

Пікірлер (0)

Пікір қалдырыңыз

Жиі қойылатын сұрақтар