Өлең, жыр, ақындар

Туған күн

  • admin
  • 07.09.2024
  • 0
  • 0
  • 179
Мамыражай, он алтысы мамырдың,
Бергеніне тәубе десіп Тәңірдің,
Туған күнін тойлағалы баламның
Үстіндеміз ду-ду, абыр-сабырдың.
Меймандарым мереке еткен төргі үйді,
Оны-мұны сөз етісіп сергиді.
Сәнмен келген сыйлықтардың қасына
Қуыршақ пен қонжық та кеп қонжиды.
Той дегенде епті қол мен күш кем бе?
Табылады іс ниет болса істерге.
Көрші сіңлім балаларды қуып жүр,
«Бармаңдар, - деп – қонақ күтер үстелге».
«Ғафу» десіп кешіккендер ашты есік,
(Кірді осылай үйге естияр жас көшіп).
Ас та келді, естіледі үн төр жақтан
«Бізге ерте, сізге мынау бас» десіп.
Тағатсыз ғой, балам әрең шыдап тұр.
Жан-тәнімен, бар демімен қуатты
Торт үстінде жеті бірдей шаншылған,
Өшірді үрлеп жанып тұрған шырақты.
(Осы күні еліктейді ел кімге?)
Кісілі боп жатқан жоқ қой төр күнде!
Сұрарыңды сұрамай-ақ алсаң да,
Шырағымды, шырағымды сөндірме!



Пікірлер (0)

Пікір қалдырыңыз

Өткенді елес қып, есті із ғып

  • 0
  • 0

Өткенді елес қып, есті із ғып,
Түйіскен жолдарды кеш түздік.
Мұнымыз ессіздік емес тек,
Сағыныш Намазшамова

Толық

Көктем күледі, Жаз қабағын ашып

  • 0
  • 0

Көктем күледі, Жаз қабағын ашып,
Бірақ менің жаным Күзге ғана ғашық.
Қоңырсалқын дидарын көрсем болды
Сағыныш Намазшамова

Толық

Мен әйелмін

  • 0
  • 0

Мен әйелмін,
жанымда қырық шырақ,
Ешкімге енді бармаймын үміт сұрап.
Сағыныш Намазшамова

Толық

Қарап көріңіз