Өлең, жыр, ақындар

Сапарғали Бегалинге

  • 13.08.2021
  • 0
  • 0
  • 656
Алпысқа келу керек Сапекеңше:
Тік бойлы, тастай дене, биік еңсе;
Сиятын қара кез бен қара шашқа,
Отыз бен отыз бестің бірін берсе!
Мұртының миығына аздап буырыл
Кіргенмен, көрсетпейтін ол да қу бір!..
Қоңырқай ажарында жоқ еш әжім,
Дерліктей,—
«Ұл атаулы сендей тұғыр!..»
Денеге лайық біткен қылық, мінез,
Не артық іс, бойда жоқ, не артық сөз.
Қалпынан сыпайылық бір аумайтын,
Өлшемі тұрақталған бір әділ тез,
Жеткенше талант, ойдың шама-шарқы,
Сүйсініп оқитұғын туған халқы,
Бірталай еңбек жазды, алды жарқын,
Ласы, кіршігі жоқ таза арты.
Жүз жасқа аяқ басты әкесі —
Ысқақ.
Көрген жоқ жүрер жолын ешкім нұсқап.
Сенеміз Сапекеңнің сөйтуіне,
Себебі,— туған ұл бұл, әкеге ұқсап!



Пікірлер (0)

Пікір қалдырыңыз

Волга-Дон

  • 0
  • 0

Орыс қызы Гретаға.
Екі өзен — Волга-Донға
Мәңгі берік салып қоныс
Арасында құба жонға

Толық

Құланың құны

  • 0
  • 0

Сұлудай қызыл шырай бітіп таңға,
Алтынды ну сәулесін шашып маңға,
Ойын сап жан иесі бар мақұлық,
Жерде құрт,

Толық

Георгий Хайдинге

  • 0
  • 0

Бұдан екі жыл бұрын, Бурабайда,
Тау тамылжып, гүл шешек атқан майда,
Кездесіп бірнеше күн ойнап-күлдік,
Сайраннан басқа алаң болмай ойда.

Толық

Қарап көріңіз