Өлең, жыр, ақындар

Айналама қарасам…

  • admin
  • 11.09.2024
  • 0
  • 0
  • 439
Ғажап неткен тау, дала,
Нұрын төксе Күн көктен.
Ғажап біздің аула да,
Сәби біткен – гүл, көктем.

Қызғалдақтар қыратта
Желбірейді алаудай.
Сыңғыр қаққан бұлаққа
Қараймын көз ала алмай.

Сырласқандай маңаймен,
Шаттанамын, қуанам.
Мұндай сәтте
Қалай мен
Әсерленбей тұра алам?!

Бір іске таңғалам ба,
Бір ғажапты көрем бе –
Дауыл ұйтқып санамда,
Айналады өлеңге.

Бара қалсам көлге де,
Қызықтарды көрем көп.
Бар әсерім кеудеме
Құйылады өлең боп.

Орманда да
Маңыма
Қарай берем елеңдеп.
Қызыққаным
Тағы да
Төгіледі өлең боп.

Бұлбұлға да сайраған
Сүйсінемін жыр арнап.
Байқап жүрмін,
Айналам
Мені ақын ғып шығармақ.



Пікірлер (0)

Пікір қалдырыңыз

Гүл

  • 0
  • 0

Гүл - Сұлтан Қалиев
Үйде тұрып өсетiн
Әкеп гүлдiң көшетiн,
Топырақты салдым да,

Толық

Құстар – достар

  • 0
  • 0

Құстар – достар
Орманға біз келіп енгенде,
Көре сап іздерді алыстан.
Сұлтан Қалиев

Толық

Бақтағы «соғыс» ойыны

  • 0
  • 0

Бақтағы «соғыс» ойыны
Отырып ем бірде кеп
Орындыққа бақтағы,
Сұлтан Қалиев

Толық

Қарап көріңіз

Басқа да жазбалар