Жыл құстары келгенде – Сұлтан Қалиев

Жыл құстары көктемде
Шаршап бізге жеткенде,
Құшақ жая қарсы алсақ,
Ұя жасап, ән салсақ,
Бір ғаннибет емес пе?
Қоныстарын оңдасақ,
Сотқарлардан қорғасақ.
Бұзықтарды жолға сап,
Қонысына қонуға
Тек кедергі болмасақ...
Бұл да міндет емес пе?
Қыстаған тек шетелде,
Қайтқан ата мекенге
Жыл құстары – бұл құстар
Туған жерге тым құштар
Туысымыз емес пе?
Туыс бізге тым ыстық
Жасай берсін туыстық!
Аңсап бізді оралған
Неге оларға: «Міне – тау,
Міне – далаң, міне – орман,
Міне – көлің» демеске.