Дақылдар әні
Бидай:Нан анасы бидаймын,
Елге астық сыйлаймын.
Дәнiм толып, пiскенде
Қауызыма сыймаймын.
Арпа:
Күмiс мұртты арпамын,
Ырыс-құтты арпамын.
Еңбек етiп баптаған,
Елiме сый тартамын!
Тары:
Ақ, қарамын, сарымын,
Мен өнiмдi тарымын.
Халқым еңбек сiңiрсе,
Қайтарамын қарымын.
Сұлы:
Мен сұлымын, ұланның
Тұлпарына ұнадым.
Баптаған әр диқанға
Басымды иiп тұрамын.
Күрiш:
Күндi сүйген күрiшпiн,
Күллi жұртқа ырыспын.
Алсын деп ел мол өнiм
Ала жаздай су iштiм.
Аниса
Куштии