Кәкімбек Салықов

Көкшеде ғажап сұлу бар

Бұл бетте «Көкшеде ғажап сұлу бар» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
22.11.2024
0
0
637

Көкшеде ғажап сұлу бар,
Көрген жан үнсіз қырындар.
Мейірім төккен жүзінде
Жан толқытар жылу бар.
Көргенде бойдың балқуы,
Тұтанар көңіл шалқуы.
Кішкентай ғана аруда
Шексіз жүрек тартуы.
Көрсең көзің қарығар,
Құмартып жүрек қанығар.
Талдырмаш, кербез бойында
Не тілесең – бәрі бар.
Қарай қалса көшеде,
Көз салуды еселе.
Сені мен деп қалып тұр...
– Басқа қазақ, – десе де.
Себебі бар сенбейтін,
Ырымы көп сөнбейтін.
Ол көшеде жалғыз тұр
Мен ешқашан келмейтін.
Сыры да мол сақтайтын,
Мұңы да бар ашпайтын.
Қара жолға қарап тұр
Мен ешқашан баспайтын.

1992

Кәкімбек Салықов Көкшетау туған ел туған жер көкшеде ғажап сұлу бар Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар