Кәкімбек Салықов

Есіл мен Көкше – бір аймақ

Бұл бетте «Есіл мен Көкше – бір аймақ» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
22.11.2024
0
0
432

Көк Есіл, кербез, ер Көкше,
Аумайсың алтын аралдан.
Мағжандай дарын ерекше,
Шоқандай дана жаралған.

Қайырмасы:

Көк Есіл жыр байлап,
Сексен көл сырнайлап,
Оқжетпес тұр жайнап.
Аққулы көркем,
Гәккулі өлкем,
Есіл мен Көкше – бір аймақ.
Байтақ ел әнмен ұласты,
«Елім-ай» қалай аңдатпас?!
«Гәккуім» жайса құлашты,
Жұлдыздай жанды «Гауһартас».

Қайырмасы.

Жағаңа қонды, Есілім,
Әлемге әйгі Астанам.
Ақорда ашты есігін,
Бақытқа елді бастаған.

Қайырмасы.

Серілер өшпес салты бар,
Бірліктен ұрпақ жаңылмас.
Құлагер жортқан даңқы бар,
Есіл мен Көкше – бауырлас.

Қайырмасы.

Кәкімбек Салықов туған жер туған ел өлең есіл мен көкше – бір аймақ Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар