Кәкімбек Салықов

Білмегенге әйгілі аты ұнаған

Бұл бетте «Білмегенге әйгілі аты ұнаған» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
19.11.2024
0
0
519

Білмегенге әйгілі аты ұнаған,
Жігіт көрдім рухы шашыраған.
Шын арысты Кремльде жамандапты,
Айтуымен иесінің асыраған.
Аят оқып қайтуға кешірім сұрап,
Зиратына апар деп өтініш құрап
Ол сұраса, мен қатты шошып кеттім,
Жазықсыздың білгенде есімін сұрап.
Іштен құртып жегідей сол арманы,
Ол ұзаққа бармады, оңалмады.
Өңі қашқан, зәре жоқ, қалтыраған
Көз алдымнан пішіні жоғалмады.
Күнәсін сезіп сорақы сөз тасыған,
Тірі тозақ кешті ғой ол басынан.
Кешіре гөр, Жаратқан,
Қиналғанын
Мен түсіндім мөлт еткен көз жасынан.

01.11.2013.
Астана

Кәкімбек Салықов білмегенге әйгілі аты ұнаған Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар