Өлең, жыр, ақындар

Құдалықтарың жарассын!

  • admin
  • 18.12.2024
  • 0
  • 0
  • 733
Құдағи деген не десең,
Беу, достар!
Жылы кеңесем.
Құдағидың жаманы
Күнде ұрыс пен керіс қой.
Құдағидың жақсысы
Құдай берген өріс қой,
Күнде алыс пен беріс қой.
Қос құдағи жарасса,
Мәуелі бақша, жеміс қой.
Бастайды олар бірлікке,
Көңілдің болса хоштығы.
Жасасын деймін тірлікте
Құдағилар достығы.
Құда деген не десе,
Мен білмеймін демес ем.
Жүйрік аттың шабысы
Басталғандай желістен.
Оңалар құда әр ісі
Құтты жолда келіскен.
Құда – елдің намысы,
Оралар тойдан жеңіспен.
Құданың бұзық, олағы
Сөз қозғайды керістен.
Құдалар дос боп кетеді
Біріне бірі сеніскен.
Құдаша ғажап нұр жүзі,
Мұхиттың таза құндызы.
Тәңірім таңдап әперген
Аспанның таңғы жұлдызы.
Ол – махаббат бұлағы,
Ләззат, рахат жұмағы.
Құдалықтың жетегі
Мың жылдық боп кетеді.
Құдаша бір күн қызығы
Мәңгілікке жетеді.
Ұл-қыздары Алаштың,
Құдалықтарың жарассын!



Пікірлер (0)

Пікір қалдырыңыз

Көкшедегі кездесу

  • 0
  • 0

Көкшедегі кездесу
Көкшетау қарсы алғанда ән-күйменен,
Пәк сезім қандай ғажап жан билеген?!
Кәкімбек Салықов

Толық

Келемін ән емн жырдың қанатында

  • 0
  • 0

Бойымда жалыны бар бұлан ердің,
Ойымда ағыны бар Құлагердің.
Шабыста топтан озып алға тартсам,
Келеді сол қалпымда тұра бергім.

Толық

Кеңгірдегі кездесу

  • 0
  • 0

Кеңгірдегі кездесу
Ұлытау бірге, ел бірге,
Шақырып ұлым, жиналдық.
Кәкімбек Салықов

Толық

Қарап көріңіз