Өлең, жыр, ақындар

Махаббат жоғалмайды

  • admin
  • 22.12.2024
  • 0
  • 0
  • 495
Қиялым, түсім бе едің, өңім бе едің,
Келемін тарқата алмай көңіл шерін.
Аққудай айдындағы аппақ едің,
Көп жылдар көз алдымда көрінбедің.
Аңсатып қосылмайтын жол алдайды,
Көлге құс дауыл, желде қона алмайды.
Сан жылдар басқан ізің жоғалса да,
Махаббат көкіректе жоғалмайды.
Оралар құстар қайтып мекеніне,
Сене бер ауыр күндер өтеріне.
Есінен сүйген жүрек жаңылмайды,
Көнбейді бөтен жанның жетегіне.
Бақ қонар шыбын жанды сарп еткенге,
Жол табар іздеп осынау ән жеткенде.
Мен-дағы арылармын ауыр дерттен,
Дидарың көз алдымда жарқ еткенде.

24.04.2002



Пікірлер (0)

Пікір қалдырыңыз

Романс

  • 0
  • 0

Романс - Кәкімбек Салықов
Аруға біткен сұлулық –
Алланың берген сыйлығы.
Жан баурағыш жылулық –

Толық

Ғашық еді балдырған

  • 0
  • 0

Ол балдырған қыз еді, ғашық еді,
Көңілі көктем, көкірегі ашық еді.
Соғыс жылдар жан­жаққа көшіп кеттік,
Есте қалды тек қана аты­жөні.

Толық

Жеңсе ақыл мен парасат

  • 0
  • 0

Жеңсе ақыл мен парасат
Құлшыныс пен ұмтылыс –
Ере туған егіздер.
Кәкімбек Салықов

Толық

Қарап көріңіз